थांब तिथेच - मराठी कविता (अरुण म्हात्रे)

थांब तिथेच - मराठी कविता (अरुण म्हात्रे) - ज्येष्ठ आणि प्रसिद्ध मराठी कवी अरुण म्हात्रे यांची लोकप्रिय मराठी कविता थांब तिथेच.

कधी कधी अस्तित्वाचा विचार असा साप बनून येतो अंगावर...

थांब तिथेच

अरुण म्हात्रे (अरुण जगन्नाथ म्हात्रे प्रसिद्ध कवी आणि गीतकार. मुंबई, महाराष्ट्र)

थांब तिथेच पाऊल नको उचलूस वळू नकोस हलू नकोस जाऊ दे वेळेचा अजगर शांतपणे मानेवरून छातीवरून कमरेतून वळसे घेत मांड्यातून पायापर्यंत... ढिम्म रहा एकदम चिडीचूप मेल्यासारखा निपचित... सरकू दे त्याला तू न आवडून ठाम रहा रस्त्याच्या कडेला कलंडलेल्या मैलाच्या दगडासारखा... कळू दे काळालाही तू मरणाआधीच मेला आहेस ते जाणू दे त्याला तू स्वतःच चालवतोस तुझा मृतदेह त्याला चकवून स्वतःच्या मिणमिणत्या काळोखात... चाचपीत चरा पडलेल्या तुझ्या एकाकी असलेपणाला... वळु नकोस हलू नकोस. असाच निपचित पडून रहा वेळेने तुला पूर्ण गिळेपर्यंत...

कवितासंग्रहातील इतर ज्येष्ठ कवींच्या कविता वाचा: