साहित्य :

१ वाटी तांदूळ, अर्धी वाटी मसूरडाळ, अर्धी वाटी गाजराचे तुकडे, अर्धी वाटी कोबी किंवा कॉलीफ्लॉवर (चिरलेला), ४-५ छोटे कांदे ( ऐच्छिक), १ टोमॅटो, अर्धा चमचा जिरे, १ हिरवी मिरची, पाव चमचा हळद, दीड चमचा मीठ, २ चमचे बारीक चिरलेली कोथिंबीर, २ चमचे तूप, २ चमचे ओले खोबरे

कृती :

डाळ व तांदूळ वेगवेगळे धुवून ठेवावे. पातेल्यात तुपावर जिरे व मिरची फोडणीस टाकून त्यावर भाज्या, मीठ, हळद, टोमॅटो घालून ३-४ मिनिटे परतावे. त्यात डाळ घालून ५ वाट्या गरम पाणी घालावे. उकळी आली की तांदूळ वैरावे (घालावे). दहा मिनिटांनंतर आंच कमी करावी व झांकण ठेवावे. मंद आंचेवर खिचडी शिजू द्यावी. भाताची कणी शिजलेली दिसली की खाली उतरवून झाकूण ठेवावी. पाच मिनिटांनंतर कडेने चमचाभर साजूक तूप सोडावे. वाढताना कोथिंबीर व खोबरे वर शिवरावे. पापड, लोणचे, दही व ताक याबरोबर ही खिचडी खावी.

पथ्य करणारांना तसेच रविवारी टीव्हीच्या वेळेला वेळेला ही खिचडी सोयीची आहे.