चला मित्रांना बोलावुया महाराष्ट्राच्या विलोभनीय सफरीवर..

राकट देशा, कणखर देशा, दगडांच्या देशा ।
नाजुक देशा कोमल देशा, फुलांच्याही देशा ।
अंजनकाचनकरवंदीच्या काटेरी देशा ।
बकुलफुलांच्या प्राजक्तीच्या दळंदारी देशा ॥
भावभक्तिच्या देशा आणिक बुध्दीच्या देशा ।
शाहीरांच्या देशा, कर्त्यां मर्दांच्या देशा ॥
ध्येय जें तुझ्या अंतरी
निशाणावती नाचतें करी ॥
जोडीइहपरलोकांसी व्यवहारा परमार्थासी ॥
वैभवासि वैराग्यासी ॥

- राम गणेश गडकरी

प्रभाकाराचे जडण घडन कडकडीत म्हणायाला ॥
दो हाताचा मुजरा माझा तुळशीरामाला ॥
भीमथडीहुनि चहुमुलखावर फिरले धारकरी॥
भीमथडीहुनि चहुमुलखातुनि जमले वारकरी ।
आळंदीच्या ज्ञानोबांची भिंत घेत धाव॥
पुंडलिकाचे नांव चालवी दगडाची नाव
घोलघुमट घुमवीत सारखा नवलाची भाक।
जेजूरीवर चढी पायरी उभी नऊलाख
ध्येय जे तुझ्या अंतरी...॥

- राम गणेश गडकरी

हातो घेऊनी चिपळ्या टाळा ब्रह्म वीणा ॥
सारजाचा ताल ईना ॥ हे जी ॥
कंगरेशी की माचपट्टा । चाल झटापटा
सारजा नार । जसा डुलू लागला मोर ॥ हे जी ॥
डोळ्याला भरुन काजळ । कुंकवाचे चिरी
गळ्यामध्ये सोन्याची सरी । हे जी ॥
शोभला गळा दोरल । ठुशीचा जोड
पायात शिंदेशाही तोडे ॥ हे जी ॥
कानात करंड फूल । झुब्याला मोती
नाकाला नथ सरजाची शोभा देती ॥ हे जी ॥
हातात हिरे कंकण । पाटल्या चार
अंगावरती लेली डागिन । सारजा नार ॥ हे जी ॥
अगात जरीची चोळी । फेराची लुगडी
कानाला शोभती बुगडी ॥ हे जी ॥

- लोकगीत

ठायीं ठायीं पांडवलेणी सह्याद्री पोटीं ।
किल्ले सत्तावीस बांधिले सह्याद्रीपाठीं ॥
तोरणगडचां, प्रतापगड्या पन्हाळगडिंचाही ।
लढवय्या झुंजार डोंगरी तुंच सख्या
तूच सख्या पाही ॥
सिंधुदुर्ग हा. विजयदुर्ग हा ही अंजनवेल ।
दर्यावर्दी मर्दुमकीची ग्वाही सांगेल ॥
ध्येय जे तुझ्या अंतरी ...॥

- राम गणेश गडकरी

कायहो मुंबई बंदर उमदा कोठ्यावधि फिरतात जहाजे ॥
अजब कंपनी शहर त्याला लंकेची उपमा साजे ॥
गव्हर्नराचे तक्त मजेचे दिसते उमदा खूब शिरा॥
तऱ्हेतऱ्हेचे रंगित बंगले ऐन इंग्रजी पहा तऱ्हा॥
भर रस्त्यामध्ये उभे शिपाई लोक म्हणती सरा सरा॥
रथगाड्यांची गर्दी होती व्हा बाजूला मागें फिरा॥
मोठे मोठे सावकारसाहेब रथ फिरवीती झरा झरा ॥
नव खंडीचे माणुस पाहुन रथ म्हणती हा बरा बरा ॥
जिकडे तिकडे अशीच गर्दी रथ जाता घडघड वाजे ॥
अज कंपनी शहर त्याजला लंकेची उपमा साजे ॥

-`मुंबईचे वर्णन' ह्या
श्री गोविंद माडगावकर यांच्या पुस्तकातून